Fırıldaqçı İnsanlar

FÜZULİDƏ 6 EVDƏN OĞURLUQ EDƏN ŞƏXS NARKOTİKLƏ YAXALANDI

ƏDALƏT_DOKTRİNASI — Tue, 20 Aug 2024 14:27:42 GMT

Füzulidə 6 evdən oğurluq edən şəxs narkotiklə yaxalandı

Füzuli Rayon Polis Şöbəsinin əməkdaşları tərəfindən keçirilən əməliyyat tədbirləri nəticəsində rayon ərazisində bir neçə evdən oğurluq edən Ramil Əliyev saxlanılıb.

Bu barədə Bizim.Media-ya Daxili İşlər Nazirliyinin Mətbuat Xidmətinin Bərdə regional qrupundan məlumat verilib.

Bildirilib ki, araşdırmalar zamanı Ramil Əliyevin 6 evdən oğurluq etdiyi müəyyən olunub.

Digər əməliyyat zamanı isə əvvəllər məhkum olunmuş Vasif Əliyev saxlanılıb. Onun üzərində aparılan baxış zamanı 1 kiloqram marixuana və 1 ədəd tapança aşkar edilərək götürülüb.

Hər iki faktla bağlı cinayət işləri başlanılıb, saxlanılan şəxslər barəsində məhkəmənin qərarı ilə həbs qətimkan tədbiri seçilib.

Hazırda istintaq tədbirləri davam etdirilir.

MİDA-DƏN MƏNZİL ALMAQLA BAĞLI DƏLƏDUZLUQ

ƏDALƏT_DOKTRİNASI — Tue, 30 Jan 2024 11:18:10 GMT

MİDA-dan mənzil almaqla bağlı dələduzluqda ittiham olunan şəxsin məhkəməsi başlayıb

Mənzil İnşaatı Dövlət Agentliyinin (MİDA) mənzillərini sataraq dələduzluq və hakerlikdə təqsirli bilinən Mahir Mehman oğlu Rəsulovun cinayət işi üzrə məhkəmənin hazırlıq iclası keçirilib.

APA-nın cənub bürosu xəbər verir ki, bu gün Lənkəran Ağır Cinayətlər Məhkəməsində hakim Esmira Məmmədovanın sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib.

Dövlət ittihamçısı Rahim Nəhmətov işə Bakı Ağır Cinayətlər Məhkəməsində baxılmasını istəyib. Prokuror bildirib ki, cinayət işi üzrə əsas epizodlar Bakı şəhərində baş verib.

Hakimlər kollegiyasının qərarına əsasən, cinayət işinə hansı məhkəmədə baxılması barədə adiyyəti üzrə qərar verilməsi üçün Şirvan Apellyasiya məhkəməsinə göndərilib. Şirvan Apellyasiya Məhkəməsi cinayət işinə hansı məhkəmədə baxılacağı barədə qərar qəbul edəcək.

Qeyd edək ki, iş üzrə 30 nəfərə yaxın zərərçəkmiş müəyyən olunub.

İttihama görə, Mahir Mehman oğlu Rəsulov özünü İT şirkətinin rəhbəri kimi təqdim edib, vətəndaşları MİDA-nın tikdiyi binalardan asanlıqla mənzil ala biləcəyinə inandırıb. Onun dostu Rəfael adlı şəxs də özünü vəzifəli şəxsin qohumu kimi təqdim edib, birlikdə təxminən 30 nəfərdən çox adamın 300 min manata qədər pulunu mənimsəyiblər.

Faktla bağlı Cinayət Məcəlləsinin 178.3.2-ci (Dələduzluq - külli miqdarda ziyan vurmaqla) maddəsi ilə cinayət işi açılıb.

Apa: İlkin Rzayev

OV EDƏN ŞƏXS SAXLANILIB

ƏDALƏT_DOKTRİNASI — Tue, 09 Jan 2024 06:24:41 GMT

Salyanda qanunsuz olaraq ov edən şəxs saxlanılıb

DİN-in Mətbuat Xidmətinin Şirvan regional qrupundan "Report"a verilən məlumata görə, Salyan Rayon Polis Şöbəsinin əməkdaşları tərəfindən qanunsuz ovun və mülki silahın daşınması qaydalarının pozulması hallarının qarşısının alınması məqsədilə keçirilən tədbirlər zamanı rayonun Xıdırlı kəndi ərazisində müvafiq icazə olmadan qanunsuz ov edən Bakı şəhər sakini R.Bayramov saxlanılıb.

Həmin şəxsdən 1 ədəd ov silahı, həmin silaha aid patronlar, eləcə də qanunsuz olaraq ovlanmış çöl quşu aşkarlanaraq maddi sübut kimi götürülüb.

Faktla bağlı Salyan RPŞ-də araşdırmalar aparılır.

ƏMANƏTİNİZİ TAM HALDA BİR BANKA QOYMAYIN

ƏDALƏT_DOKTRİNASI — Wed, 03 Jan 2024 11:16:15 GMT

Əmanətinizi tam halda bir banka qoymayın

Yanvarın 1-dən etibarən fiziki şəxslərin banklarda olan depozit gəlirlərinə vergi güzəştləri qüvvəyə minib. Belə ki, fiziki şəxslərin hər bir bankda milli valyutada 18 ay və daha çox vaxtda yerləşdirdikləri əmanətlər üzrə faiz gəlirləri vergidən tamamilə azad olunacaq. Bu müddətdən az dövrdə bankda saxlanan əmanətlər üzrə isə aylıq 200 manat gəlir vergidən azaddır.

Axar.az xəbər verir ki, bu sözləri iqtisadçı ekspert, millət vəkili Vüqar Bayramov deyib.

O bildirib ki, iki halda vətəndaşlar gəlir vergisi ödəməyəcək:

Birincisi, əgər vətəndaşın əmanət üzrə milli valyutada hesablanan aylıq gəliri 200 manata qədərdirsə, o halda vəsait gəlir vergisindən tamamilə azad ediləcək. Əgər 200 manatdan çoxdursa, bu məbləğədək olan hissəsi gəlir vergisindən azad olunacaq.

Misal üçün əgər vətəndaş 10 faizlə 24 min manat əmanət yerləşdiribsə, bu halda onun illik gəliri 2400 manat, aylıq gəliri isə 200 manatdır. Yəni, bu o deməkdir ki, bu halda vətəndaşın əmanət gəliri tamamilə vergidən azad ediləcək. Amma əgər vətəndaş 10 faiz ilə 30 min manat əmanət yerləşdiribsə, bu halda onun illik gəliri 3 min manatdır və bu məbləğdən 2400 manat çıxılır, qalan hissə 10 faiz gəlir vergisinə cəlb edilir. Bu halda vətəndaşın ödədiyi cəmi vergi 60 manat olur.

Burada digər sual aylıq depozit gəliri 200 manatdan çox olan vətəndaşlarımızın vergi güzəştlərindən necə tam istifadə etməsi ilə bağlıdır. Belə ki, dəyişikliyə əsasən, fiziki şəxslərin hər bir bankda (xarici bankın Azərbaycan Respublikasındakı filialında) milli valyutada olan depozitlər üzrə hesablanan aylıq faiz gəlirlərinin 200 manatadək olan hissəsi vergidən azaddır. Bu o deməkdir ki, əgər vətəndaşın 50 min manat pulu varsa və onu 8 faizlə depozit kimi yerləşdirərsə, onun illik gəliri 4 min manat olacaq. Həmin vəsait bir bankda yerləşdirilərsə, o zaman 4 min manatlıq gəlirin 1600 manatı vergiyə cəlb olunacaq. Vergi güzəştindən tam istifadə etmək üçün daha məqsədəuyğun olardı ki, vəsait bir deyil, iki bankda yerləşdirilsin. Belə olan halda 50 min manat pul hər biri 25 min manat olmaqla 8 faizlə 2 bankda yerləşdirilərsə, vətəndaş gəlirindən heç bir vergi ödəməyəcək. Vəsait daha böyük olarsa, məsələn, 100 min manat, o halda bir neçə bankda yerləşdirilə bilər. Bu, bir tərəfdən imkan verəcək ki, vətəndaş vergi güzəştindən tam istifadə etsin və hər hansı vergi ödəməsin, digər tərəfdən isə bank sektorunda təmərküzləşmə səviyyəsini azaldacaq. Bu isə o deməkdir ki, vəsaitiniz hətta böyük olduğu halda belə depozit gəlirlərinizin vergidən tam azad olunması mümkündür.

DƏLƏDUZLUQDA İTTİHAM OLUNAN

ƏDALƏT_DOKTRİNASI — Tue, 19 Dec 2023 14:18:42 GMT

Məhkəmə dələduzluqda ittiham olunan şəxsə bəraət verdi

Nizami Rayon Məhkəməsində dələduzluq etməkdə təqsirləndirilən Elçin Rzayevin cinayət işi üzrə məhkəmə prosesi başa çatıb.
Oxu.Az-ın məlumata görə, hakim Nigar Qədirlinin sədrliyi ilə keçirilən prosesdə qərar elan edilib.
Qərara əsasən, E.Rzayevin Cinayət Məcəlləsinin 178.2.2 və 178.2.4-cü maddələri ilə irəli sürülmüş ittiham üzrə təqsirliliyi sübuta yetirilmədiyindən təqsirsiz bilinib və ona bəraət verilib.
Təqsirləndirilən şəxs barəsində seçilmiş başqa yerə getməmək barədə iltizam qətimkan tədbiri ləğv edilib.
Qeyd edək ki, ittihama görə, E.Rzayev Bakı şəhəri, Nizami rayonu, Qara Qarayev prospektində yerləşən ticarət mərkəzində müqavilə əsasında icarəyə götürdüyü mağazanın guya ona məxsus olmasını bildirib və ayrı-ayrı şəxslərin etibarından sui-istifadə etməklə heç bir hüququ və səlahiyyəti olmadığı halda həmin mağazaları zərərçəkmiş şəxslərə satmaqla adlarına sənədləşdirəcəyinə dair yalan vəd verib aldadaraq onlara xeyli miqdarda maddi ziyan vurmaqla dələduzluq edib.

"PART TİME" İŞ ADI

ƏDALƏT_DOKTRİNASI — Sun, 10 Dec 2023 15:28:29 GMT

Azərbaycanda görünməmiş dələduz

"Part time" iş adı ilə...

"Daha bir neçə vətəndaş onlayn “part time” işlərdən külli miqdarda vəsait itirib. İlk 5 tapşırığı icra etdikdən sonra vətəndaş 40 manat qoyub, 80 manat götürüb. Növbəti addımlarsa pul qoyduqca, nağdlaşdıra bilib. Sonda 16,000 AZN qazanmaq üçün hesaba 5000 manat mədaxil edib. Dələduzlar vəsaitin yetərli olmadığını amma investorların ona 3000 AZN borc verə biləcəyini deyib. Beləcə vətəndaş özü 5000 AZN, dələduzlardan 3000 AZN borc alaraq yatırım edib".

Publika.az xəbər verir ki, bunu sosial şəbəkə hesabında bloqer Fərid Pərdəşünas paylaşıb.

"8000 manat hesaba mədaxil edən vətəndaşın balansında bir neçə günə 16,000 manat yaranıb. Vətəndaş bu pulu çıxarmaq istəyəndə dələduz 5,000 manat üzərində olan ödənişlərdən 25% dövlət vergisi olduğunu qeyd edib və pulu çıxarmaq üçün vətəndaşdan 4,000 manat daha alıb. Bu ödənişi də aldıqdan sonra vətəndaş pulu çıxara bilməyib. Dələduzlar vətəndaşa bunun əsas səbəbinin investorların verdiyi borcu istəməsilə əlaqələndirib və vətəndaşdan onlayn verdikləri yalançı 3000 AZN borcu real olaraq alıblar" - deyə bloqer qeyd edib.

F.Pərdəşünasın sözlərinə görə, toplamda bu dələduzluqda bir neçə nəfər ayrılıqda 10,000 manat üzərində vəsait itirib.

“Kimdir buna inanan?” deməyin. Məlumatı paylaşın, insanların xəbəri olsun. Dəhşətli rəqəmlər var. Aldanmaz dediyim adamlar aldanır", - bloqer bildirib.

QANUNSUZ OV EDƏN SAXLANILIB

ƏDALƏT_DOKTRİNASI — Mon, 20 Nov 2023 13:23:15 GMT

Qanunsuz ov edən saxlanılıb

Zərdab Rayon Polis Şöbəsinin əməkdaşlarının qanunsuz ov və mülki silah daşınması qaydalarının pozulması hallarının qarşısını almaq məqsədilə keçirdikləri tədbirlər zamanı rayon ərazisində müvafiq icazə olmadan qanunsuz ov edən şəxs saxlanılıb.

DİN-in mətbuat xidmətinin Şirvan regional qrupundan verilən məlumata görə, həmin şəxsdən qanunsuz olaraq ovladığı ov quşları aşkarlanaraq maddi sübut kimi götürülüb.

Bundan əlavə, şöbə əməkdaşları tərəfindən qanunsuz olaraq saxlanılan odlu silahların aşkarlanaraq götürülməsi istiqamətində keçirilən nəzarət tədbirləri nəticəsində 4 rayon sakinindən müvafiq sənədləri olmayan ov tüfəngləri aşkarlanıb.

Faktlarla bağlı Zərdab RPŞ-də araşdırmalar aparılır.

Xalq Qəzeti

SƏLƏMÇİ İNSANLARI SƏFALƏTƏ SÜRÜKLƏYİR

ƏDALƏT_DOKTRİNASI — Thu, 31 Aug 2023 10:06:09 GMT

Lətafət adlı sələmçi insanları səfalətə sürükləyir

Adı qalmaqallarda hallanan, faiz verən şəxs, Könül adlı xanıma 5000 manat pul atıb.
Sələm dedikdə gəlir əldə etmək məqsədi ilə pulun bir şəxs tərəfindən başqasına qazanc əldə etmək məqsədilə borc müqabilində faizlə verilməsi başa düşülür. Qanunvericiliklə vətəndaşlar faizə pul vermək və bu barədə müqavilə bağlamaq səlahiyyəti yoxdur. Verilən pula görə borc alandan faiz tələb etmək qanunvericiliklə məsuliyyət yaradır.
Bu cür fəaliyyət yalnız xüsusi lisenziya əsasında həyata keçirilə bilər. Azərbaycan Respublikası qanunvericiliyi ilə faziə pul vermək xüsusi lisenziya alınmaqla banklar, bank olmayan kredit təşkilatları və lombardlar tərəfindən həyata keçirilə bilən fəaliyyət hesab edilir. Xüsusi lisenziyası olmayan şəxslərin bu cür fəaliyyətlə məşğul olması qanunvericiliklə məsuliyyət yaradır.
Dövlət qeydiyyatına (vergi uçotuna) alınmadan və ya sahibkarlıq fəaliyyətinin həyata keçirilməsi üçün lisenziya tələb olunduğu hallarda belə lisenziya almadan sahibkarlıq fəaliyyəti ilə məşğul olmaq, yaxud lisenziyada nəzərdə tutulmuş şərtlərin pozulması ilə sahibkarlıq fəaliyyətinin həyata keçirilməsi – qanunsuz sahibkarlıq fəaliyyəti ilə məşğul olma hesab edilir.
Qanunsuz sahibkarlıq fəaliyyəti ilə məşğul olmağa görə inzibati məsuliyyətə cəlb edilən şəxs inzibati xəta nəticəsində vurulmuş ziyanın (əldə edilmiş gəlirin) iki mislindən dörd mislinədək miqdarda cərimə edilir. Azərbaycan Respublikasının Qanunvericiliyinə əsasən, vətəndaşın sələmə pul vermək hüququ yoxdur. Sələm dedikdə, gəlir əldə etmək məqsədi ilə pulun birbaşa faizə verilməsi başa düşülür. Bu da ancaq bank olmayan kredit təşkilatları, banklar, və lombardlar tərəfindən müqavilə əsasında həyata keçirilir.
Vətəndaşların isə faizə pul verib, müqavilə bağlamaq səlahiyyətləri yoxdur. Verilən sələmə görə faiz tələb etmək cinayət məsuliyyətinə səbəb ola bilər: "Verilən sələmə görə sələm alandan nəinki faiz tələb etmək, əksinə, dövlət qeydiyyatına alınmadan və ya xüsusi razılıq tələb olunduğu halda belə razılıq almadan bu cür qanunsuz fəaliyyət göstərdiyinə görə qanunvericiliklə müəyyən edilmiş qaydada inzibati və cinayət məsuliyyətə cəlb oluna bilərlər”. Sələm verməklə və insanların evini yıxmaqla məşğuı olam Lətafət adlı şəxslə bağlı "Azərbaycan Reallığı"na çoxsaylı şilayətlər daxil olmaqdadır.
Daxil olan məlumata görə, özünü makler kimi qələmə verən əslində isə dələduzluqla məşğul olaraq, insanların pulunu, evlərini, obyektini ələ keçirən Lətafət adlı şəxsin daha bir nəfər qurbanına çevrilib. Belə ki, Lətafət adlı sələmçi Könül Abbasovaya 5000 min manat atıb və geri qaytarmır. Hər dəfə onun ailə üzvlərinə yalan vədlər verərək, pulu geri qaytarmaqdan boyun qaçırır.
Xüsusilə qeyd edək ki, Lətafət adlı şəxsin adı ölkə mətbuatında daim qalmaqallarda hallanıb. Belə ki, bir müddət öncə adının açıqlançasını istəməyən xanım şəxsi işi ilə bağlı aylar öncə Nihad Əliyev adlı şəxslə tanış olur. Onun xaricdən satış məqsədi üçün avtomobil gətirəcəyinə söz verib etibarın qazanır, daha sonra isə Yasamalda olan 140-150 min manata dəyərində olan evi ələ keçirir, mülkiyyət ələ keçəndə isə loru dildə desək işə digər dələduzlar cəlb olnur.
Nihad Əliyev sələmçi Lətafət adlı şəxsi dələduzluq qurbanına çevirilən xanımla tanış edir və ona bildirilir ki, evini Abbasov Qabil Yasin oğlu adlı şəxsin adına keçirməklə ondan iş üçün faizə pul götürə bilərlər. Qabil adlı şəxslə tanış olub evini onun adına rəsmiləşdirərək 55 min manat pul götürülüb iş qurmaq üçün pul Nihada verilir.
Pulun faizini Nihad ödəyəcəyini bildirir. Dələduzlar əlbir olduğu üçün faiz ödənmir. Qabil xanımı faiz ödəməyə məcbur edir. Təxminən 3-4 ay pulun faizi Qabil adlı şəxsə faktlarla verilir. Faiz pulunu verə bilmədikdə isə Qabil adlı şəxs xanımın mülkiyyətini satışa çıxarıb dəyər-dəyməzinə satacağını bildirir. Bu məqamda Nihadin atası Raiq Əliyev meydana çıxır. Xanıma evi 10 illik ipotekaya salmağı teklif edir. Guya ipotekanı Rafiq ödəyəcək.
Çarəsiz durumda qalan iki uşaq anası hüquq-muhafizə orqanlarına şikayət edir. İnanırıq ki, Lətafət adlı şəxslə və onunla ortaq olan dələduz dəstə üzvləri ilə bağlı hüquq-mühafizə orqanları lazımi tədbir görəcək. Araşdırmalarımız davam edir. Lətafət adlı şəxsin qurbanına çevrilən şəxslərin redaksoyamız ilə əlaqə saxlamaları xahiş olunur.
Qarşı tərəfin mövqeyini işıqlandırmağa hazırıq.

ONLAR HƏLƏ DƏ AZADLIQDADIRLAR

ƏDALƏT_DOKTRİNASI — Wed, 30 Aug 2023 13:10:39 GMT

İnsanların pul və mülkiyyətini ələ keçirən dələduz şəbəkə haqqında sensasion faktlar - Onlar hələ də azadlıqdadırlar

"Azərbaycan Reallığı"na müraciət edən, amma adının açıqlamasını istəməyən mənbə dələduzluğun qurbanı olub. Xanım bildirir ki, fərdi şəkildə şəxsin yox dələduz şəbəkənin qurbanına çevirilib. Haqsızlığa uğraması ilə bağlı hüquq-mühafizə orqanlarına üz tutub.

Hal-hazırda məsələ ilə bağlı cinayət işinin istintaq hərəkətləri getdiyi üçün bəzi dərin nüanslara toxunmuruq ki, istintaq hərəkətlərinə mane olmayaq.

Xanım şəxsi işi ilə bağlı bir neçə ay bundan öncə Nihad Əliyev adlı şəxslə tanış olur. Onun xaricdən satış məqsədi üçün avtomobil gətirəcəyinə söz verib etibarın qazanır ,daha sonra isə Yasamalda olan 140-150 min manata dəyərində olan evi ələ keçirir, mülkiyyət ələ keçəndə isə loru dildə desək işə digər dələduzlar cəlb olnur.

Nihad Əliyev Lətafət adlı şəxsi dələduzluq qurbanına çevirilən xanımla tanış edir və ona bildirilir ki, evini Abbasov Qabil Yasin oğlu adlı şəxsin adına keçirməklə ondan iş üçün faizə pul götürə bilərlər.

Qabil adlı şəxslə tanış olub evini onun adına rəsmiləşdirərək 55 min manat pul götürülüb iş qurmaq üçün pul Nihada verilir. Pulun faizini Nihad ödəyəcəyini bildirir. Dələduzlar əlbir olduğu üçün faiz ödənmir. Qabil xanımı faiz ödəməyə məcbur edir.

Təxminən 3-4 ay pulun faizi Qabil adlı şəxsə faktlarla verilir. Faiz pulunu verə bilmədikdə isə Qabil adlı şəxs xanımın mülkiyyətini satışa çıxarıb dəyər-dəyməzinə satacağını bildirir.

Bu məqamda Nihadin atası Raiq Əliyev meydana çıxır. Xanıma evi 10 illik ipotekaya salmağı teklif edir. Guya ipotekanı Rafiq ödəyəcək. Çarəsiz durumda qalan iki uşaq anası hüquq-muhafizə orqanlarına şikayət edir.

Media vasitələri ilə güc mərkəzlərindən kömək istəyir və nəhayət faktla bağlı cinayət işi başlanır. Amma cinayət işi nədənsə şəbəkəyə qarsı yox təkcə Nihad Əliyevə qarşı başlayır. İşinin peşəkarı olan Qabil Abbasov adlı şəxs hüquq-mühafizə orqanlarına yalan ifadə vərərək guya evi xanımdan 110 min manata aldığını deyir.

Daha sonra xanımın illərlə əziyyət çəkib sahib olduğu evi satışa çıxarmağa çalışır, bunu bacara bilməyən Qabil Abbasov evin boşaldılması ilə bağlı Yasamal rayon məhkəməsinə müraciət edib.

Ümidvarıq işlə bağlı cinayət işi başlanıldığı üçün məhkəməyə edilən müraciət əsassız olması qənaətinə gəlib rədd ediləcək, çünki şəxsin cinayatdə əlbir olub başqasının mülkiyyətini ələ keçirmək açıq-aşkar sübut olunur.

Dələduzluğun qurbanı olan ana bildirir ki, hüquq-mühafizə orqanları bu şəxslər barəsində ciddi araşdırma apararsa, onlar eyni analoji cinayati bir neçə nəfərə qarşı etdiklərdə sirr deyil.

Hətta xanımı qorxutmaq üçün Neftçilər ərazisidə bir başqa xanım faizi vermədiyi üçün evini satdığını özü etiraf edib. İnsanlar əziyyətlə, zülmlə əldə etdiyi evi bu dələduz şəbəkə ələ keçirərək bir anlığ dəyər-dəyməzinə satırlar və yaxud yaxın adamlarının adına keçirirlər.

Hələ üstəlik ölkədə kifayət qədər bank sistemi ola-ola bunlar rahatlıqla kimlərəsə istər az miqdarda, istər xeyli, istər külli miqdarda faizə pullar verirlər.

Zərərçəkmiş şəxsin hal-hazırda istintaq hərəkətlərinin gedişi ilə bağlı hər hansı narazılığı yoxdur. O evinin ələ keçirilməsində iştirak edən hər kəsin məsuliyyətə cəlb olunmasın istəyir, o cümlədən Qabil Abbasov adlı şəxsin müraciəti ilə bağlı Yasamal rayon məhkəməsindən ədalətli qərar gözləyirəm deyə sonda şikayətçi bildirir.

VƏTƏNDAŞIN MƏNZİLİ QANUNSUZ ƏLƏ KEÇİRİLİB

ƏDALƏT_DOKTRİNASI — Thu, 10 Aug 2023 10:34:44 GMT

Vətəndaşın mənzili qanunsuz ələ keçirilib? - RƏSMİ AÇIQLAMA

Bir sıra sosial şəbəkə kanallarında vətəndaş Ramil Hüseynovun ona məxsus mənzilin qanunsuz ələ keçirilməklə hüquqlarının pozulması, şikayəti üzrə hüquq-mühafizə orqanlarında qeyri-obyektiv araşdırma aparılması ilə bağlı həqiqətə uyğun olmayan müraciətləri yayımlanıb.

Bu barədə Lent.az-a Baş Prokurorluğun Mətbuat xidmətindən bildirilib:

"Qeyd edilənlər tərəfimizdən təkzib edilməklə bildirilir ki, vətəndaş Ramil Hüseynov dəfələrlə prokurorluq orqanlarında qəbul edilərək dinlənilib və hüquqları izah olunub.

Belə ki, yaşadığı mənzilin girov qoyulması müqabilində R.Hüseynova 2015-ci ildə Sahibkarlığa Kömək Milli Fondunun (hazırda Sahibkarlığın İnkişafı Fondu) vəsaitləri hesabına müvafiq bank tərəfindən 50 min manat məbləğində güzəştli kredit vəsaiti verilsə də, R.Hüseynov tərəfindən öhdəliklərinin icra edilməməsi ilə bağlı bankın mülki iddiası üzrə Nəsimi Rayon Məhkəməsinin qətnaməsi əsasında mənzilin satılaraq borcun ödənilməsi, artıq qalan məbləğin isə vətəndaşa qaytarılması qərara alınıb.

Qeyd edilən mənzil ilk iki hərracda alıcı olmadığından növbəti hərracda qanunvericiliyin tələbinə əsasən 118 min manata dəyərləndirilməklə satılıb, lakin R.Hüseynov heç bir əsas olmadan mənzili tərk etməyib.

Mülki iş üzrə cavabdeh olan R.Hüseynov tərəfindən qətnamədən verilən şikayətlər Bakı Apellyasiya Məhkəməsinin 12.10.2018-ci il tarixli, Ali Məhkəmənin isə 08.05.2019-cu il tarixli qərarları ilə təmin edilməyib.

Bununla yanaşı, R.Hüseynov mənzilin qanunsuz olaraq hərrac yolu ilə satılması barədə müraciəti üzrə Bakı şəhəri Yasamal rayon polis idarəsində araşdırma aparılıb.

Araşdırma zamanı toplanmış material üzrə şikayətçinin göstərdiyi, o cümlədən rəsmi sənədlərin saxtalaşdırılmasına dair qeyd etdiyi xüsusatlar təsdiq olunmadığından 10.03.2023-cü il tarixdə cinayət işi başlanmasının rədd edilməsi barədə qərar qəbul olunmuş, həmin qərarın qanuniliyi və əsaslılığı Yasamal Rayon Məhkəməsində öyrənilərək 19.04.2023-cü il tarixli qərarla qanuni hesab edilib, Bakı Apellyasiya Məhkəməsinin 01.05.2023-cü il tarixli qərarı ilə Yasamal Rayon Məhkəməsinin qərarı qüvvədə saxlanılıb.

Vətəndaş tərəfindən irəli sürülən xüsusatların hərtərəfli araşdırılmasına, eləcə də müvafiq məhkəmələr tərəfindən qəbul edilmiş qərarların qüvvədə saxlanmasına dair qərarlar qəbul edilməsinə baxmayaraq, R.Hüseynov əsassız olaraq bəzi sosial şəbəkə kanalları vasitəsilə hüquq-mühafizə orqanlarının nüfuzuna və qanuni fəaliyyətinə yönəlmiş böhtan xarakterli fikirlər səsləndirməklə hadisələri təhrif edərək öz mənafeyinə uyğun qanunsuz qərarların qəbul olunmasına cəhd edib.

Bununla əlaqədar, R.Hüseynov bir daha Bakı şəhər prokurorluğunun rəhbərliyi tərəfindən qəbul edilməklə ona irəli sürdüyü xüsusatların mülki mühakimə icraatı qaydasında baxılaraq qanunamüvafiq qərarların qəbul edildiyi, pozulduğunu iddia etdiyi hüquqlarının bərpası ilə əlaqədar məhkəmə orqanlarına müraciət hüququnun olması izah edilib".

QOÇU GÖNDƏRİLİR

ƏDALƏT_DOKTRİNASI — Fri, 09 Jun 2023 06:12:54 GMT

Vətəndaşla danışığa qoçu göndərilir

Bütün müqəddəs kitablarda, sivil ölkələrin Ali Qanunu olan Konstitusiyalarında qeyd olunub ki, ŞƏXSİ MÜLKİYYƏT toxunulmazdır. Mülkiyyət hüququnun toxunulmaz olduğu həm Azərbaycanda əsas qanun olan Azərbaycan Respublikasının Konstitusiyasının 13-cü maddəsində və eyni zamanda Azərbaycan Respublikasının tərəfdar çıxdığı “İnsan hüquqları və əsas azadlıqların müdafiəsi haqqında” Avropa Konvensiyasının 1 saylı protokolunun 1-ci maddəsində təsdiq olunub. Konkret olaraq Azərbaycan Respublikasının Konstitusiyasının 13-cü maddəsində qeyd olunur: “Vətəndaşın mülkiyyəti toxunulmazdır və dövlət tərəfindən müdafiə olunur”. Amma... Bu məqamda 30-40 il əvvəl gördüyümüz bir mənzərəni yada salmaq istəyirik.

Deməli, qardaş Türkiyədə magistral yol çəkiləndə qoca bir kişi dədə-baba evinin sökülməsinə icazə verməyib və nəticədə yol istiqamətini dəyişməli olub, yəni evi buldozerə verməyiblər, vətəndaşın müəılkiyyət hüququ qorunub. Bizdə isə yazılanlar hamısı kağız üzərində qalır. İstənilən tikinti şirkəti vətəndaşın mülkiyyətini buldozerə verib dağıdır. Vətəndaş bütün dövlət qurumlarına şikayət etsə də heç bir nəticə olmur. Əksinə vətəndaşın özünü döyürlər. Şübhəniz varsa, buyurun... Belə tikinti şirkətlərindən biri də “Olympus Park” tikinti şirkətidir. Şirkətin sahibi Rafiq Lətifovdur.

Təsəvvür edirsiniz, FHN deyir ki, Rafiq Lətifovun şirkətinin tikintiyə icazəsi yoxdur, məhkəmə də bu barədə qərardad çıxarır, amma Rafiq Lətifov FHN-i, məhkəməni vecinə almır. Vətəndaş yazır ki, mənim xüsusi mülkiyyətimdə olan evlər və torpaq sahələri “Olympus Park” şirkəti tərəfindən dağdılır, zəbt edilir.

Vətəndaş yazır ki, Nəsimi rayonu, Abay döngəsində yerləşən dədə-baba yurdum “Olympus Park” şirkəti tərəfindən qanunsuz olaraq sökülüb. Musiqili Komediya Teatrının qrim və rəssamlıq şöbəsinin müdiri olmuş Nərgiz Quliyeva deyir ki, şirkət 275 kvadratmetr sahəsi olan, 1900-cü ildə tikilmiş evimə 80 kv ev təklif edib, bura mənim dədə-baba mülkümdür, əlimdə qanuni “kupçam” var. Şirkət şərtlə razılaşmayan vətəndaşın evini gecə qəsdən uçurdub. Bu hələ harasıdır..?

Rafiq Lətifovun şirkəti hətta Xətai rayonundakı “Lider” idman klubunu da dağıdıb və deyir ki, ekskovatorçu səhv edib. Eyni hallar şirkətin Olumpus Elmlər, Olympus Neftçilər, Olympus 28 May, Olympus Nəsimi, Olympus Səbail, Butik-12, Olympus Xırdalan layihələrində də baş verib. Bir daha təkrar etmək istəyirik ki, Fövqəladə Hallar Nazirliyi Tikintidə Təhlükəsizliyə nəzarət Dövlət Agentliyi və məhkəmə tikintinin dayandırılmasını tələb edir, amma Rafiq Lətifov öz kefindədir ee...

Bundan əlavə tikinti illərlər gecikdiyi üçün müştərilə Rafiq Lətifovdan dövlət qurumlarına şikayət edir, amma ortada nəticə yoxdur. Bu hələ harasıdır ee.... Rafiq Lətifovun idmançı -qoçu dəstəsi də var, şikayətçiləri döyür, söyür, hətta...media işçilərinə hədə-qorxu gəlirlər. Belə ki, “Olympus Park” rəhbərinin dayısı oğlu şirkətlə bağlı yazılan yazıya görə media əməkdaşlarını hədələyir, hətta sosial şəbəkədə təhdid edir. Rafiq Lətifov onunla şərik olan yerli və Türkiyəli iş adamlarını dəfələrlə aldadıb. Rafiq Lətifonun tikinti şirkəti 28 May ünvanında apardığı tikinti zamanı xeyli sayda ağacı kəsib, yaşıllığı məhv edib. Hətta buna görə, şirkətə qarşı cinayət işi açılıb, amma ortada nəticə olmayıb. Rafiq Lətifovun şirkəti Çapayev ərazisində, “Kubinka” deyilən ərazidə, Badamdar ərazisində qanunsuz tikinti işləri aparır. Rafiq Lətifov hətta iş adamı Hacı İbrahim Nehrəmliyə də külli miqdarda pul atıb.

Sözün qısası, Rafiq Lətifov vətəndaşlarla DÖVLƏT arasında ciddi narazılıq yaradır. Vətəndaşlar deyir ki, bu qədər özbaşınalıq olmaz, Dövlət Şəhərsalma və Arxitektura Komitəsi yanında Bakı Şəhər Memarlıq və Şəhərsalma Baş İdarəsindən rəsmi məktub var, Fövqəladə Hallar Nazirliyindən rəsmi cavab var ki, "Olympus Park” tikinti şirkətinə məxsus qanunsuz tikintinin qarşısı alınıb. Amma... Bütün bunlara baxmayaraq özbaşına, qanunsuz tikinti davam edir.... Rafiq Lətifov şikayətçiləri məhkəmə ilə hədələyir və deyir ki, mənim şirkətimin işgüzar nüfuzuna zərbə vurmusunuz. Vallah adam deməyə, yazmağa söz tapmır, həm oğru, həm də doğru...

Əslən Şəkidən olan Rafiq Lətifov hətta HƏCİ titulu da daşıyır, guya Allah qoymasa mömin müsəlmandır. Görəsən camaatın evini başına uçuran adam nə vaxtdan HƏCİ olub..?

Bu gün Rafiq Lətifovun xeyli sayda mobil telefon mağazaları, şəxsi villaları, Avropa hotelin yanında özəl binası, 99-999 nömrəsi ilə başlayan avtomobil kolleksiyası və daha nələri. Şikayətçilər isə dövlət qurumlarının qarşısında ümidsiz dayanıblar. İstər-istəməz sual doğur: Dövlət niyə öz vətəndaşına sahib çıxmır..? Ümid edirik ki, bütün bunlara son qoyulacaq və ədalət öz yerini tapacaqdır.

Gündəlik Bakı

MÜƏSSİSƏYƏ VURDUĞU ZİYAN

ƏDALƏT_DOKTRİNASI — Thu, 27 Apr 2023 06:24:02 GMT

Dövlət Əmək Müfəttişliyi Xidməti tərəfindən müəssisəyə vurduğu ziyan

Burada Əmək və Əhalinin Sosial Müdafiəsi Nazirliyi yanında Binəqədi rayon Dövlət Əmək Müfəttişliyi Xitmətinin əməkdaşları, baş əmək müfəttişi Asif Xəlil oğlu Məmmədov tərəfindən səlahiyyərlərindən sui-istifadə edərək tam araşdırma aparmadan, yalan məlumatlarla müəssisə barəsində “İnzibati Xəta Haqqında Protokol”da qeyd etdi.

Həmçinin burada inzibati xətalar qanunvericiliyinin tələblərinə uyğun olmadığı təqdirdə “inzibati xəta haqqında protokol”u səlahiyyətli orqan Binəqədi rayon D.Ə.M.X-nin rəisi Həmid Əhmədov səlahiyyərlərindən sui-istifadə edərək inzibati xəta haqqında işə baxılmadan çıxarılan qərarı məhkəmə yolu “Beynəlxalq İnformasiya” redaksiyasına 20000AZN incibati cərimə təyin etdirdi (QEYD: müəssisəyə cərimə edilməsi üçün instansiya məhkəməsində hakimə göstəriş verilmişdir (1003841331)).

9 mart 2021-ci il tarixində bu məsəslə ilə bağlı “Bakı Apellyasiya Məhkəməsi”nə ərizə verildi, amma apellyasiya məhkəməsi qəbul etmədi.

30 sentyabr 2021-ci tarixində yenidən bu saxta “inzibati xəta haqqında protokol” ilə bağlı “Bakı Apellyasiya Məhkəməsi”nə ərizə verildi, sübutlar təqdim edildi. Burada, apellyasiya məhkəməsində də hakim Kamran Əkbərov “Beynəlxalq İnformasiya” redaksiyasının sübutlarını rədd edərək Binəqədi rayon D.Ə.M.X-nin sübutu olmadan əsassız olaraq, saxta protokol tərtib edilmişi, ədalətlə həyata keçirməmiş, faktlara əsasən və qanuna müvafiq baxılmamış qebul etmişdir.

Bütün bunlardan sonra D.Ə.M.X-nin əməkdaşları tərəfindən, 2021-ci ilin mart ayından “Beynəlxalq İnformasiya” redaksiyasına, müəssisəyə vurduğu ziyana baxmayaraq, baş redaktorun xəbəri olmadan, dələduzluq yolu ilə 3000AZN də baş redaktorun əmək haqqından çıxılmasına Binəqədi rayon "İcra və probasiya şöbəsi"nə göstəriş vermişdir (QEYD: 06.03.2023-ci il tarixindən etibarən əmək haqqından çıxılır, sərəncam M81.81 K1).

Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xitmətinin əməllərindən zərər çəkən başqa vətəndaşlar varsa “ƏDALƏT DOKTRİNASI”nın internet səhifəsində "Elektron müraciət"bölməsinə daxil olaraq məlumat verməyinizi, həmçinin Prezident Administrasiyasına müraciət etmələri tövsiyə olunur. Məsələnin cəmiyyət üçün aktuallığını nəzərə alaraq gündəmdə saxlayacağıq. Qarşı tərəfin mövqeyini işıqlandırmağa hazırıq.

VƏTƏNDAŞA 250 MİN PUL ATIB

ƏDALƏT_DOKTRİNASI — Tue, 11 Apr 2023 07:03:34 GMT

“Evimiz İpoteka” MMC 30-dan artıq vətəndaşa 250 min pul atıb… – Şirkətin direktoru Ramin Əmrahov qaçıb gizlənib

Bakıda insanları aldadaraq pul alıb güzəştli şərtlə onlara ipoteka kreditilə ev veriləcəyini vəd edən şirkətlə bağlı polisə şikayət daxil olub. Şikayətçilərin sayı 30-dan çoxdur. Vətəndaşlara dələduzluq yolu ilə atılan pulun məbləği isə 250 min manatdan çoxdur.

Söhbət Xətai rayonu ərazisindəki Ağ Şəhər Mərkəzi, Bulvar küçəsində fəaliyyət göstərən “Evimiz İpoteka” MMC şirkətindən gedir. “Evimiz İpoteka” MMC şirkətinin təsisçisi Əmrahov Vüqar Rasim oğludur. Ancaq ev almaq istəyən vətəndaşlarla müqaviləni Əmrahov Ramin Rasim oğlu bağlayıb. Onun köməkçisi, sənədləri qəbul edən şəxs isə Günel Əmirova olub. Sosial şəbəkədə yayılan videodan da göründüyü kimi vətəndaşların polisə şikayətindən sonra Ramin Əmrahov və onun dəstəsi ofisi tərk edərək qaçıblar.

Videoda şikayətçi Günel Vəliyeva deyir ki, Ramin Əmrahov mənə dedi ki, sənə 4 faizlə güzəştli ipoteka krediti düşür və məndən 15 min manat pul istədi.

Şikayətçi sonra deyir ki, mən pulu Ramin Əmrahova verdim və müqavilə imzaladıq. Alqı-satqıya 2-3 gün qalmış Ramin telefona cavab vermədi, onda bildim ki, bu adam dələduz imiş…

Başqa bir şikayətçi Cəlal Şükürovun sözlərinə görə, sözügedən şirkətin rəhbərliyi fırıldaqlıqla məşğuldur.

Cəlal Şükürovun şikayətini olduğu kimi təqdim edirik: “Nişanlıyam, 24 yaşım var. Mənzilə ehtiyacımız olduğu üçün valideynlərimlə birgə “Evimiz İpoteka” MMC şirkətinə üz tutduq. Mənzili anamın adına ipoteka ilə almaq istəyirdik. Çünki müəllimlərə 4 faizlik güzəşt tətbiq olunduğu bildirildi. Anam müəllimədir. Mən öz adıma 8 faizlə ala bilərdim. Fevral ayının 2-də şirkətin direktoru Əmrahov Ramin Rasim oğlu ilə müqavilə bağladıq. 7 min manat ödəniş etdik. Şirkətin təsisçisi Əmrahov Vüqar Rasim oğludur. Ancaq bütün müqavilələri Ramin adlı şəxs bağlayır.

Qısası, fevralın 18-dən bu günə qədər həmin şəxs zənglərimizə baxmır. Müqavilə bağladığımız yerə də dəfələrlə baxdıq, ancaq heç kimi tapa bilmədik.

Valideynlərinin qapısına gedəndə onlar “bizim belə bir övladımız yoxdur” dedilər. Yəni övladları ilə əlaqəni kəsiblər, həmin şəxs valideynlərinin yanında görəsən o dərəcə hörmətini itiribmi? Sonradan bizə məlum oldu ki, bu şirkət ümumi 30 şikayətçidən təxminən 250 min manata yaxın vəsait mənimsəyib. Bütün aidiyyəti qurumlara müraciət etmişik, cavab gözləyirik”.

Başqa bir şikayətçi Cahid İsmayılov isə deyir ki, güzəştli ipoteka krediti ilə mənzil almaq üçün Ağ Şəhərdəki “Evimiz İpoteka” MMC şirkətindən gedib. Və orada Əmrahov Ramin Rasim oğlu ilə söhbət eləyib, 6 min manat verərək, müqavilə bağlayıb. Sonradan Ramin telefonlara cavab verməyib. Başqa bir şikayətçinin əmisi oğlu Şükürov İlqar bildirir ki, yaxın qohumlarının üçü Samid, Niyaməddin, Arif bunlar da 22 min manat pulu “Evimiz İpoteka” MMC şirkətinin rəhbərinə veriblər. Amma bu günə qədər nə evdən, nə də ki puldan heç bir xəbər yoxdur.

Sözün qısası, 30-dan artıq vətəndaşımız dələduz dəstənin qurbanına çevrilib. Məsələ ilə bağlı Daxili İşlər Nazirliyinin mətbuat xidmətindən bildirilib ki, bu işlə əlaqədar araşdırma aparılır və ictimaiyyətə əlavə məlumat veriləcəkdir. Biz isə öz növbəmizdə, məsələnin cəmiyyət üçün aktuallığını nəzərə alaraq gündəmdə saxlayacağıq.

gundelik-baku.com

PUL TALAYAN ŞƏXS TUTULDU

ƏDALƏT_DOKTRİNASI — Sat, 08 Oct 2022 19:58:52 GMT

Vətəndaşın kartından pul talayan şəxs tutuldu

Vətəndaşın bank kartından 725 manat pulu kiber üsulla talayan şəxs polis əməkdaşları tərəfindən müəyyən olunub.

Bu barədə Teleqraf.com-a DİN-in Mətbuat xidmətindən bildirilib.

Polisin keçirdiyi əməliyyat-texniki tədbirlərlə 1999-cü il təvəllüdlü Orxan Quliyev saxlanılaraq istintaqa cəlb edilib.

Araşdırmalar davam etdirilir.

Onun əməllərindən zərər çəkən başqa vətəndaşlar varsa, polisə müraciət etmələri tövsiyə olunur.

VƏTƏNDAŞA DOQQUZ MİN PUL ATIB

ƏDALƏT_DOKTRİNASI — Wed, 21 Sep 2022 18:28:39 GMT

Özünü DTX əməkdaşı kimi təqdim edərək vətəndaşa doqquz min pul atıb

Bakı sakini Fərid Xudatzadə özünü DTX əməkdaşı kimi təqdim edərək iki nəfərə qarşı dələduzluq edib.

“Qafqazinfo” xəbər verir ki, o, özünü Dövlət Təhlükəsizliyi Xidmətində baş leytenant işlədiyini bildirib vətəndaş Pərviz Məmmədovdan 6150 manat alıb. F.Xudatzadə Pərvizi DTX-də sürücü kimi işə düzəldəcəyini bildirib. O eyni əməli P.Məmmədvun tanışı Roman İbrahimova qarşı da törədib. F.Xudatzadə Romandan 3030 manat alaraq onu da qurumda sürücü kimi işə qəbul etdirəcəyini bildirib. Lakin vədinə əməl etməyib. Daha sonra Fəridin ümumiyyətlə yalan danışdığı, DTX-də işləmədiyi məlum olub.

Fərid Xudatzadənin əməlləri ilə bağlı cinayət işi başlanıb. Ona Cinayət Məcəlləsinin 178 (dələduzluq) 310 (Vəzifəli şəxsin səlahiyyətlərini mənimsəmə) və 32.4 312.2-ci (Rüşvət vermədə iştirakçılıq) maddələri ilə ittiham elan olunub. Hazırda iş Bakı Ağır Cinayətlər Məhkəməsində araşdırılır.

İŞLƏDİYİ ŞİRKƏTƏ PUL ATDI

ƏDALƏT_DOKTRİNASI — Fri, 19 Aug 2022 07:50:07 GMT

İşlədiyi şirkətə pul atdı

İşlədiyi şirkətdən pul mənimsəyən şəxs saxlanılıb.

DİN-in Mətbuat Xidmətinin Şirvan regional qrupundan "Unikal"a verilən məlumata görə, avqustun 18-də Sabirabad rayon sakini Nicat Ağayev İmişli Rayon Polis Şöbəsinə müraciət edərək rayon ərazisində saxladığı nəqliyyat vasitəsinin yan şüşələrinin naməlum şəxs və ya şəxslər tərəfindən qırılması, avtomobildə olan pul, mobil telefon və sənədlərin oğurlanması barədə məlumat verib.

Daxil olmuş müraciətlə əlaqədar şöbə əməkdaşları tərəfindən peşəkarlıqla keçirilən əməliyyat-axtarış tədbirləri nəticəsində qeyd edilən oğurluq hadisəsinin vətəndaşın özü tərəfindən törədilməsi müəyyən edilib.Araşdırmalar zamanı məlum olub ki, şirkətlərin birində satış təmsilçisi kimi çalışan N.Ağayev satışdan əldə olunan 4137 manat pulu mənimsəyib.

Daha sonra isə izi itirmək üçün avtomobilin yan şüşəsini daşla qıraraq, nəqliyyat vasitəsindən şirkətə məxsus 4370 manat, eləcə də özünün 120 manat pulunun, mobil telefonunun və avtomobilin müvafiq sənədlərinin oğurlanması səhnəsi yaradıb və bu barədə polisə məlumat verib.

Şöbə əməkdaşları tərəfindən onun üzərinə keçirilən baxış zamanı 1454 manat pul, eləcə də oğurlanması barədə məlumat verdiyi mobil telefon və digər sənədlər aşkarlanaraq maddi sübut kimi götürülüb.

Faktla bağlı N.Ağayev barəsində İmişli RPŞ-də cinayət işi açılıb, araşdırmalar davam etdirilir.

PUL OĞURLAYANLAR TUTULDU

ƏDALƏT_DOKTRİNASI — Wed, 10 Aug 2022 12:16:34 GMT

Bank kartlarından pul oğurlayanlar tutuldu

Bank kartlarından pul oğurlayan daha bir dəstənin üzvləri saxlanılıb.

Bu barədə Axar.az-a Daxili İşlər Nazirliyinin (DİN) Mətbuat Xidmətindən məlumat verilib.

Bildirilib ki, naməlum şəxslərin sosial şəbəkələrdə vətəndaşları işə düzəltmək adı ilə onların kart məlumatlarını əldə edib daha sonra hesabda olan pul vəsaitlərini talamaları barədə DİN-ə çoxsaylı müraciətlər daxil olub. Bu məlumatlar nazirliyin Baş Mütəşəkkil Cinayətkarlıqla Mübarizə İdarəsində nəzarətə götürülüb. Həyata keçirilən əməliyyat-texniki tədbirlərlə vətəndaşların kart məlumatlarını və kartlardakı pul vəsaitlərini ələ keçirən növbəti dəstənin üzvləri - Məhəmməd Babazadə və Güləli Kazımov saxlanılıblar.

Müəyyən edilib ki, bu şəxslər elan saytlarında, həmçinin sosial şəbəkələrdə dövlət idarələrində və özəl şirkətlərdə vakansiyaların olduğu barədə saxta iş elanları yerləşdiriblər. Məhəmməd Babazadə və Güləli Kazımov onlarla əlaqə saxlayan hər bir vətəndaşdan işə qəbulla bağlı müraciətin qeydə alınması və lisenziya verilməsi adı altında 500 manatdan 6000 manata qədər pulun özlərinə və müxtəlif şəxslərin adına olan kartlara köçürülməsini tələb ediblər. Bu məqsədlə onlar müraciət edən vətəndaşların kart məlumatlarını əldə ediblər. Daha sonra onlar kartlardakı vəsaitləri öz hesablarına yönləndirərək nağdlaşdırıb və zərərçəkənlərin bir daha əlaqə saxlamaması üçün onların nömrələrini bloklayıblar. Məhəmməd Babazadə və Güləli Kazımovun bu müddət ərzində onlara müraciət edən 100-ə yaxın vətəndaşın kart məlumatlarını əldə edərək hesablarda olan pul vəsaitlərini taladıqları müəyyən edilib.

Faktla bağlı Cinayət Məcəlləsinin müvafiq maddəsi ilə cinayət işi başlanılıb.

Məhəmməd Babazadə və Güləli Kazımovun ətrafında əməliyyat-istintaq tədbirlər davan etdirilir.

"Bu şəxslərin qanunsuz əməllərindən zərərçəkən başqa vətəndaşlar varsa DİN Baş Mütəşəkkil Cinayətkarlıqla Mübarizə İdarəsinə müraciət edə bilərlər. Sonda bir daha vətəndaşlara elan, onlayn alış-veriş saytlarında, eləcə də bu tipli platformalarda yerləşdirilən və ilk baxışdan insanların diqqətini cəlb edən məlumatlarla tanış olan zaman maksimum diqqətli olmağı, bank kartlarında olan məlumatları heç bir halda qarşı tərəfə verməməyi tövsiyə edirik", - məlumatda qeyd edilib.

HƏLƏKİ FIRILDAQÇI AZADLIQDADIR

ƏDALƏT_DOKTRİNASI — Tue, 09 Nov 2021 04:10:56 GMT

Hələki fırıldaqçı azadlıqdadır

“Borc alan” Fizuli rayonun, Qaraxanbəyli kəndinin sakini, Sumqayıt şəhərində qeydiyyatında olan Hümbətova Hüsniyə Qənimət qızı “Beynəlxalq İnformasiya” redaksiyasından 2000 (iki min manat) manat pulu mənimsəmək məqsədi ilə 2020-ci ilin oktyabr ayından başlayaraq 29-cu və 20-ci polis bölməsinin, həmçinin Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xitmətinin əməkdaşlarını, habelə fırıldaqçılıq yolu ilə digər aidiyyətli qurumları da aldadaraq yazılı şəkildə yanlış, yalan məlumatlarla redaksiyadan yazıb şikayət etmişdir.
Burada 29-cu və 20-ci polis bölməsini aldada bilməmişdir, amma Dövlət Əmək Müfəttişliyi Xitmətinin əməkdaşları dələduzluq yolu ilə səlahiyyətindən istifadə edərək, bilə-bilərəkdən Hümbətova Hüsniyə Qənimət qızının pis əməllərinə məsuliyyət daşıyaraq araşdırma aparılmadan şikayəti qəbul etmişdir.
“Kimdir buna inanan aldanan?” Məlumatı paylaşın, insanların xəbəri olsun. Dəhşətli fırıldaqçı insandır, özünə müxtəlif adlar verir, hər şeyə and içməklə, yalan danışmaqla insanları asanlıqla aldada bilir. Aldanmaz dediyim insanlar eləcədə yerində aldanır.
Onun əməllərindən zərər çəkən başqa vətəndaşlar varsa “ƏDALƏT DOKTRİNASI”nın internet səhifəsində "Elektron müraciət" bölməsinə daxil olaraq məlumat verməyinizi, həmçinin polisə müraciət etmələri tövsiyə olunur.
Məsələnin cəmiyyət üçün aktuallığını nəzərə alaraq gündəmdə saxlayacağıq.
Qarşı tərəfin mövqeyini işıqlandırmağa hazırıq.

FÜZULİ RAYON SAKİNİNİN QANUNSUZ ƏMƏLLƏRİ

ƏDALƏT_DOKTRİNASI — Wed, 01 Sep 2021 17:43:58 GMT

Füzulidə qadın 13 min manatlıq dələduzluqda və rüşvət cinayətində ittiham olunur

Füzuli rayon sakini Maral Xəlilovanın qanunsuz əməlləri ilə bağlı rayon prokurorluğuna daxil olmuş kollektiv ərizə əsasında aparılan araşdırma nəticəsində Azərbaycan Respublikası Cinayət Məcəlləsinin bir neçə maddəsi ilə cinayət işi başlanıb.

Bu barədə məlumatı AZƏRTAC Füzuli Rayon Prokurorluğuna istinadla yayıb. Bildirilir ki, araşdırmalar zamanı Kərimbəyli kənd sakini Maral Xəlilovanın Xumar Əbdüləzimovanın etibarından sui-istifadə edərək, onun oğlu Qorxmaz İdriszadənin cinayət əməlini daha yüngül maddə ilə tövsif etdirmək vədi ilə Xumar Əbdüləzimovadan və onun qardaşı Eldost Hacıyevdən ümumilikdə 13 min manat aldığına dair əsaslı şübhələr müəyyən edilib.

Fakta görə Cinayət Məcəlləsinin 178.2.4-cü (xeyli miqdarda ziyan vurmaqla törədilən dələduzluq) və 32.4, 312.2-ci (vəzifəli şəxsə bilə-bilə qanunsuz hərəkət etməyə görə rüşvət vermə və ya təkrar rüşvət vermə) maddələri ilə cinayət işi başlanılıb.

Hazırda cinayət işi üzrə istintaq hərəkətləri davam etdirilir.

BAKIDA UŞAQ BAĞÇASININ SAHİBİ VƏTƏNDAŞLARA PUL ATIB

ƏDALƏT_DOKTRİNASI — Wed, 04 Aug 2021 14:10:50 GMT

Bakıda uşaq bağçasının sahibi vətəndaşlara pul atıb - NARAZILIQ!

Bakıda “Sincab” uşaq bağçasının sahibi olan Toğrul adlı şəxs vətəndaşları işlə təmin etmək adı ilə aldadaraq pullarını mənimsəyib. Reportyor.info xəbər verir ki, vətəndaşlar qabaqcadan bağça sahibinə 500-1500 manat ayrı-ayrılıqda verərək işə düzələcəklərinə ümid ediblər. Onlara söz verən Toğrul adlı şəxs aradan çıxaraq gizlənir və nə ortada iş var, nə pulu qaytarır. Vətəndaşlar artıq Daxili İşlər Nazirliyinə şikayət edib və 102 polis xidmətinə müraciət ediblər. Onlar “Sincab”ın sahibindən pullarını geri tələb edirlər.

VƏTƏNDAŞLARI ALDADAN ŞƏXS SAXLANILIB

ƏDALƏT_DOKTRİNASI — Mon, 17 May 2021 17:29:18 GMT

Saxta xidməti vəsiqə ilə vətəndaşları aldadan şəxs saxlanılıb

Son günlər “Azəriqaz” İstehsalat Birliyinin “104 Operativ Xidmət” şöbəsinə özünü Birliyin əməkdaşı kimi təqdim edərək dələduzluq edən şəxs barədə müraciətlər daxil olub. O, saxta xidməti vəsiqə ilə mənzillərə və fərdi yaşayış evlərinə yaxınlaşaraq abonentlərə qaz sayğacı və ya sayğacın kartının vaxtının bitməsini bildirib. Onların yenilənməsi üçün vətəndaşlardan 10, 20 və 30 manat məbləğində pul alıb.

Birliyin “104 Operativ Xidmət” şöbəsinin rəisi Xalidə Şimşək "Report"a deyib ki, həmin şəxs ötən il də buna oxşar əməllər törədib: "O, daxil olan müraciət və şikayətlərdən sonra polisə xəbər verilərək saxlanılıb. Rəfail Əsgərov törətdiyi əməldən nəticə çıxarmayaraq yenidən bu yola əl atıb. Birliyin xidmət sahəsinin əməkdaşları tərəfindən Rəfail Əsgərov üzərində Röyal Əsgərov adı yazılan saxta xidməti vəsiqəsi ilə dələduzluq edərkən "iş başında" saxlanılıb və polisə təhvil verilib. O, əsasən paytaxtın Nizami və Nəsimi rayonlarında abonentlərin aldadılması ilə məşğul olub".

“Azəriqaz” İB olaraq abonentlərdən bu cür dələduzluq halları ilə qarşılaşdıqları zaman diqqətli olmaları, “Azəriqaz” İstehsalat Birliyinin 104/185 saylı “Çağrı Mərkəzi”nə və polis orqanlarına məlumat vermələri xahiş olunur", - Birliyin əməkdaşı vurğulayıb.

OBYEKTİ ƏLİNDƏN ALINAN VƏTƏNDAŞ

ƏDALƏT_DOKTRİNASI — Mon, 23 Nov 2020 07:35:59 GMT

Kərəm Həsənov tərəfindən obyekti əlindən alınan vətəndaş Mehriban xanıma Əliyevaya müraciət etdi- İntihar anonsu Verdi

Bakı sakini Gülarə Əliyeva Prezident Administrasiyasının Dövlət nəzarəti şöbəsinin müdiri Kərəm Həsənovdan saytımızın redaksiyasına şikayət məktubu ünvanlayıb. Gülarə Əliyeva şikayət məktubundan bildirib ki, Prezident Administrasiyasının Dövlət nəzarəti şöbəsinin müdiri Kərəm Həsənov tərəfindən nəhəng obyekti əlindən alınıb.

Müraciət müəllifi Gülarə Əliyeva bildirir ki, onun həyat yoldaşı haqsızlığa dözməyərək dünyasını dəyişmişdir. Şikayətçi onu da bildirir ki, Kərəm Həsənov onun ərinin ölümünün qan ləkələrini hələ də əllərində gəzdirir. Müraciət müəllifi Gülarə Əliyeva şiyayəti ilə bağlı Birinci vitse-prezidentə Mehriban xanım Əliyevaya müraciət ünvanlayıb.

Həmin MÜRACİƏTDƏ deyilir:

Əziz Mehriban xanım Əliyeva,

İzn verin, Sizi doğmalarınızı və yaxınlarınızı müzəffər ordumuzun Qarabağ torpaqlarımızı yağı erməni qəsbkarlarından azad etməsi münasibətilə səmimi qəlbdən təbrik edim, Ali Baş Sərkərdəmiz İlham Əliyevə və Sizə bundan sonra da aramsız uğurlar diləyim!

Hörmətli, Mehriban xanım Əliyeva,

Dəyərli vaxtınızı aldığıma görə dəfələrlə üzrxahlıq edirəm və bildirirəm ki, qapınıza pənah gətirməyimə zərurət yaradan Kərəm Həsənovun haqsızlığına, təqiblərinə, təzyiqlərinə məruz qalmağımızdır.

Məlumat üçün bildirirəm ki, rəhmətlik həyat yoldaşım Abasquliyev Pərviz Əbülfəz oğlu 1985-ci ildə öz halal pulu ilə Bakının Səbail rayonundakı M.Rəsulzadə küçəsi 6 saylı ünvanda yerləşən Bakı Ticarət İdarəçiliyi obyektinin (hazırda Öz Süt adlanan) birinci mərtəbəsini (1000 kvm) zirzəmisini (1200 kvm) və 400 kvm əlavə yardımçı torpaq sahəsini alaraq sənədləşdirmişdi.

Kərəm Həsənov Əmlak Məcəllələri Dövlət Komitəsinə sədrlik etdiyi illərdə adıçəkilən nəhəng obyektimizi hiylə yolu ilə əlimizdən alaraq dəyəri milyonlarla ölçülən obyektə görə bizə vur-tut 100.000 /yüz min vermiş və daha sonra milyonlar vəd etmiş lakin bizi aldadaraq həyat yoldaşımın mülkiyyət hüquqlarını pozmuş nəticədə həyat yoldaşım haqsızlığa dözməyərək dünyasını dəyişmişdir.

Həmin obyekt sonradan Kərəm Həsənov tərəfindən Aqil Paşayevin oğlu Mircəlal Paşayevin rəhbərlik etdiyi PMD şirkətinə pay verilmişdir.

Biz bu haqsızlıqla əlaqədar bir sıra qaranlıq məqamlara aydınlıq gətirmək üçün hörmətli ağsaqqalımız Arif Paşayevlə görüşmək istəmişik. Lakin nail ola bilməmişik.

Hörmətli Mehriban xanım Əliyeva,

Bildirməyi vacib hesab edirəm ki, yoldaşımın ölümünün səbəbkarı Kərəm Həsənovdur. Ərimin ölümünün qan ləkələri onun əllərindədir. Kərəm Həsənov bilməlidir ki, cinayətin müddəti olmur. O ya bu cinayətinə görə dövlət qarşısında cavab verəcək ya da Allahın qəzəbinə tuş gələcək.

Heç kimə sirr deyil ki, Kərəm Həsənov bu gün Prezident Administrasiyasın işləsə də, sədri olduğu əmlak məsələləri Dövlət Komitəsinin işlərinə yenə də ağsaqqallıq edir, prezidentin yanında oturub, onun əli ilə çörək yeyir, lakin onun siyasi kursuna müqavimət göstərir, ölkədə sosial gərginlik yaratmağa çalışır, narazıların sayını artırır.

Əzizim Mehriban xanım Əliyeva,

Sizin dəst xəttiniz çoxdan bəllidir. Siz həmişə tərəfsizin tərəfində, kimsəsizin kimsəsi olmusunuz. Dəstəyinizlə çox ağır xəstələr şəfa tapıb, çox-çox qaranlıq məqamlara aydınlıq gətirilib. Ədalətli mövqeyiniz Sizə həmişə ucalıq gətirib, Sizi xalqın sevimlisi edib. Güman edirəm ki, heç kimdən əsirgəmədiyinizi məndən də əsirgəməyəcəksiniz.

Mənim acınacaqlı vəziyyətimi nəzərə almağınızı səmimi qəlbdən xahiş edirəm. Mən əslən Bakılıyam amma kirayəşin yaşayıram və kirayə haqqını güc-bəla ilə verirəm. Kərəm Həsənov isə Cəlilabaddan 10 ildir Bakıya gəlib villalarının, obyektlərinin və gəlirli sahələrinin sayı hesabı yoxdur.

Mehriban xanım, mən Sizə inanıram və Sizdən müsbət cavab gözləyirəm.

Ən sonda Sizi səmimiyyətimə inandırıram ki, Sizdən də ümidim üzülsə bütün cavabdehliyə Kərəm Həsənov cavab verməklə prezident aparatının qarşısında intihar edəcəyəm, bu mütləqdir.

Vurğulamaq yerinə düşər ki, obyektin bu günkü real dəyəri Kərəm Həsənov tərəfindən ödənilənə qədər silsilə yazı aksiyaları davam edəcək.

Xalqımızın xoşbəxt gələcəyi və respublikamızın daha da tərəqqisi naminə Ulu Yaradanımız Sizə əbədi cansağlığı, dağlar ömrü bəxş etsin – Amin!

Səmimi hörmətlə: Gülarə Əliyeva"

P.S. Qarşı tərəf kimi adları çəkilən şəxslərində mövqeyini dinləməyə və dərc etməyə hazırıq.

KEÇMİŞ HAKİM VƏTƏNDAŞA PUL ATIB

ƏDALƏT_DOKTRİNASI — Mon, 31 Aug 2020 06:41:33 GMT

Deputatlığa namizəd olmuş keçmiş hakim vətəndaşa pul atıb

Bu ilin fevral ayında Milli Məclisə keçirilən seçkilərdə 72 saylı Yardımlı-Masallı seçki dairəsindən deputatlığa namizəd olmuş keçmiş hakim Qubadəli Rzayev iş adamı, Masallı sakini Sudef Məcidovun 30 min dollar məbləğində vəsaİtini fırıldaqçılıq yoluyla mənimsəyib.

Bu barədə BİA.az-a zərərçəkmiş Sudef Məcidov məlumat verib. O, saytımız vasitəsilə Respublikanın Baş Prokuroru və Daxili İşlər Nazirinə müraciət ünvanlayıb. Müraciəti olduğu kimi dərc edirik:

Azərbaycan Respublikasının Baş Prokuroru Kamran Əliyev

Azərbaycan Respublikasının Daxili İşlər Naziri Vilayət Eyvazova

Hörmətli cənab Prokuror,

Hörmətli cənab Nazir,

Mən, Masallı rayon, Boradigah qəsəbə sakini Məcidov Sudef Hacıbala oğlu bildirirəm ki, uzun illər Fatma Yolçuyeva adlı vətandaşla məhkəmə çəkişməsindəyəm.

Həmin işlə bağlı 2019-cu ilin oktyabr ayında əvvəllər tanıdığım vəkil Qubadəli Rzayev mənimlə əlaqə saxlayıb bildirdi ki, bu işdə mənə köməklik edə bilər. Biz görüşdük və o mənə dedi ki, mənkəmə strukturlarında tanışları var və mənim məhkəmə işimi xeyrimı həll edə bilər. Mən də razılaşdım. Növbəti görüşümüzdə o, mənə dedi ki, işin həll olunması üçün müəyyən vəsait lazımdır. Məni inandırdı və mən ona 30 000 (otuz min ) dollar pul verdim. Daha sonra mən səhhətimlə əlaqədar olaraq Moskva şəhərinə getdim. Orda olan zaman öyrəndim ki, keçirilən bütün məhkəmə proseslərində uduzmuşam və vəkil Qubadəli Rzayev heç bir iş görməyib.

Bu ilin mart ayında isə “Vəkillər və vəkillik fəaliyyəti haqqında” qanunu pozduğuna görə Vəkillər Kollegiyasının Rəyasət Heyəti bu əsasla Qubadəli Rzayevin vəkillik fəaliyyətinə xitam vermək qərarına gəlib. Ardınca Kollegiya rəhbərliyi bu iddia ilə məhkəməyə üz tutub. Şirvan İnzibati İqtisad Məhkəməsi iddianı təmin edərək, onun Vəkillər Kollegiyasından çıxarılmasına qərar verib. Məndən aldığı vəsaiti də mənimsəyib. Mən dəfələrdə onunla əlaqə saxlasam da bir müddət mənə hər şeyin yaxşı olacağını bildirsə də, sonradan ümumiyyətlə mənim zənglərimə cavab vermir, məndən aldığı vəsaiti qaytarmaqdan yayınır.

Qeyd edim ki, bu onun birinci qanunsuz əməli deyil. İMİŞLİ RAYON MƏHKƏMƏSİNİN HAKİMİ olmuş Qubadəli Rzayev işlərə baxarkən qanunvericiliyin tələblərini dəfələrlə kobudcasına pozduğuna görə AZƏRBAYCAN RESPUBLİKASI PREZİDENTİNİN 20 aprel 2011-ci il tarixli SƏRƏNCAMI ilə səlahiyyətlərinə vaxtından əvvəl xitam verilib.

Hörmətli cənab Prokuror,

Hörmətli cənab Nazir,

Xahiş edirəm məsələyə hüquqi qiymət verilməsi, mənə dəymiş maddi ziyanın ödənilməsi üçün işi nəzarətiniz altına alasanız. Qubadəli Rzayev haqqında cinayət işinin başladılmasında mənə köməklik edəsiniz.

Hörmətlə: Məcidov Sudef Hacıbala oğlu

KAPİTALBANK VƏTƏNDAŞIN PULUNA GÖZ DİKİB

ƏDALƏT_DOKTRİNASI — Thu, 23 Jul 2020 18:57:42 GMT

"KapitalBank" vətəndaşın puluna göz dikib? – GİLEY

Bakı sakini Elvin Rüstəmov "KapitalBank"dan narazılıq edir. DİA.AZ bildirir ki, vətəndaş öz fikirlərini sosial şəbəkədə paylaşaraq haqsızlıqla üz-üzə qaldığını bildirib.

Dia.az olaraq Elvin Rüstəmovun yazdıqlarını təqdim edirik:

Deməli, dünən (srağagün -red.) gecə kartıma baxdım, hər şey normal idi. Amma günorta saat 1-də (denən -red.) gördüm ki, Kapital Bank növbəti fırıldaqlığa əl atıb - balansım 402 manat mənfiyə gedib. Normalda 25.89 olmalıdır, amma 402 manat tutulub. Bayaxdan operatorla danışıram, dirəşib ki, kartda 400 ola-ola 800 çəkmisən. Mən də dedim ki, elə olsa, hamı özünə lazım olan qədər pul çıxarar kartdan.

CİNAYƏT İŞİ QALDIRILMASI XAHİŞ EDİLİR

ƏDALƏT_DOKTRİNASI — Thu, 23 Jul 2020 18:33:11 GMT

Xol Qaraqaşlı bələdiyyəsinin üzvünə cinayət işi qaldırılması xahiş edilir

Neftçala rayon Xol Qaraqaşlı kənd (Bakıdan 174 kilometr cənub) bələdiyyəsinin sədri Əlibala Səlimov, kənd mədəniyyət evinin bədii rəhbəri İlham Hüseynov və kənd mədəniyyət evinin işçisi Anar Abbasov bələdiyyənin üzvü Vəfa Nağını məhkəməyə verib. Dünən, iyulun 22-də məhkəmədə hakim Əli Tağıyevin sədrliyi ilə hazırlıq iclası olmalı idi. Lakin Vəfa Nağıya çağırış vərəqəsi iyulun 21-də axşam saatlarında çatdırıldığından o, məhkəmənin təxirə salınmasını xahiş edib.

Bu barədə Amerikanın Səsinə müsahibəsində Vəfa Nağı bildirib.

"Ərizələrində mənim Facebook statuslarıma istinad edərək göstəriblər ki, onların işgüzar nüfuzunu zədələyirəm və şəxsiyyətlərini alçaldıram. Buna görə də Cinayət Məcəlləsinin 147.1, 147.2 (Böhtan, ağır və xüsusilə ağır cinayətdə ittiham etməklə böhtan atmaq) və 148-ci (Təhqir) maddələri ilə xüsusi ittiham qaydasında cinayət məsuliyyətinə cəlb olunmağımı istəyirlər.”

Bələdiyyə üzvü bildirib ki, onların məhkəməyə müraciəti quramadır.

“Onlar bununla məni qorxutmaq istəyirlər. İstəyirlər ki, mən dayanım və ya danışamayım, gözün qorxsun. Bu, əlbəttə bələdiyyə sədrinin quraması əsasında olan müraciətlərdir. Şikayət edənlərdən biri mənim fotolarımı kəndə divarlara asan adamdır, hansı ki, sakinlər onu gördüyünü deyib. Digər şikayəti sakinlərin barəsində altmışdan çox şikayət etdiyi adamdır. O birisi adam da mədəniyyət evinin bədii rəhbəridir və bələdiyyə sədrinin tapşırığını yerinə yetirir.”

Nağı bildirib ki, hər hansı məhkəmədən qorxusu yoxdur.

“Nə torpaq satmışam, nə də rüşvət almışam, çox rahatam. 10 hektar örüş yeri verdirmişəm kənd sakinlərinə, su yoxdur, ianə yığmışam su gətizdirmək üçün, kəndin bəzi yollarını düzlətdirməyi planlamışam. Mənim vermək istədiyim hesabatlar çoxdur, miskin mənzərədə olanlar düşünsün,” o qeyd edib.

Bələdiyyə üzvü Neftçala rayon icra hakimiyyətinin keçmiş başçısının rüşvət, korrupsiya ittihamı ilə həbs edildiyini deyib.

“Sakinlər prezidentin islahatlarla bağlı tapşırıqlarını dəstəkləyir. Yerlərdə insanlar keçmiş icra hakimiyyəti başçısının həbsini müsbət qarşıladılar. Yeni təyin edilən gənc icra hakimiyyəti başçısının köklü islahatlar aparacağına inanırdılar. Təəssüf ki, yeni təyin edilən icra hakimiyyəti başçısı hələ də köklü islahatlara başlamayıb. İcra hakimiyyətinin rəsmi saytına nəzər yetrirdikdə bu açıq görünür,” o qeyd edib.

Xol Qaraqaşlı bələdiyyəsinin sədri Əlibala Səlimovla bələdiyyə üzvü Vəfa Nağı arasında münasibətlər ikincinin bələdiyyə büdcəsinin icrası ilə bağlı hesabat tələb edəndən sonra gərginləşib. Bundan sonra Xol Qaraqaşlı kəndində divarlara Vəfa Nağının çimərlik geyimində olan fotoları yapışdırılıb, onun nüfuzdan salınamsı üçün təbliğat aparılıb.

Vəfa Nağı bununla bağlı hüquq-mühafizə orqanlarına şikayət verib və fotolarının bələdiyyə sədri tərəfindən yapışdırıldığını iddia edib.

Vəfa Nağı və bir qrup kənd sakini isə bələdiyyə sədrini qanunsuzluqlar etməkdə günahlandırır.

Bu il iyunun 19-da Vəfa Nağı kənd bələdiyyəsinin sədrinin rüşvət alması hallarının araşdırılması tələbi ilə Daxili İşlər Nazirliyinin qarşısında aksiya keçirməyə cəhd edib.

Vəfa Nağı bildirib ki, bələdiyyə sədri otlaq sahələrini qanunsuz olaraq icarəyə verir, kənd sakinlərinə ev tikmək üçün nəzərdə tutulan torpaq sahələrini rüşvət müqabilində verir.

“Kəndin İnkişaf Fonduna ayrılmış 80 hektar torpaq sahəsində oğlunun adına şirkət düzəldib. Kənd camaatı bələdiyyə sədrinin qanunsuz əməllərinin əleyhinə iki dəfə etiraz aksiyası keçirib. Onlar hüquq-mühafizə orqanlarına dəvət edilib, dindiriliblər. Müxtəlif qurumlara 60 şikayət məktubu yazıblar. Amma bu günədək nəticəsi yoxdur,” o qeyd edib.

Səlimov isə bildirib ki, 2019-cu ildə Xol Qaraqaşlı bələdiyyəsinin büdcəsinə 11100 manat pul mədaxil olub.

O, Bələdiyyənin İnkişaf Fonduna aid olan 80 hektar torpaqda oğlunun şirkət yaratması ilə bağlı iddiaya cavabda deyib ki, bu fonda aid torpaqları icarəyə vermək olmaz.

“Bələdiyyənin Ehtiyat Fondu var. O torpaqlardan 9 hektar oğluma icarəyə vermişəm. Yəni sənədi də var, kupçası da var, qayda-qanunla olub. 80 hektar yox, 9 hektar torpaq vermişəm. Burada qanun pozuntusu yoxdur.”

Səlimov rüşvətlə bağlı iddiaya cavabda deyib ki, 2011-ci ildən bələdiyyə üzvlərindən üzvlük haqları nağd şəkildə yığılmır.

“Qanun əsasında vətəndaşlar aldığı torpaqların vergisini poçt vasitəsi ilə bələdiyyənin büdcəsinə köçürür. Rüşvətlə bağlı dedikləri böhtandır. Kənd camaatı bütün instansiyalara 37 şikayət məktubu yazıb. Gəlib yoxlayıblar. Onlar yazır ki, Əlibala Səlimov 700 hektar torpaq satıb, 300 hektar bacısı oğluna, 300 hektar o birisi bacısı oğluna verib. Cəmi 352 hektar bələdiyyə torpağımız var. Gəlib yoxlayırlar, görürlər ki, bunun hamısı böhtandır, yalandır, şantajdır.”

Bələdiyyə sədri kənd camaatının etiraz aksiyaları keçirməsinə münasibət bildirərkən deyib ki, 7-8 adam gedib aksiya keçirib.

“7-8 nəfər Vəfa fikirli adamlar bir dəfə aksiya keçiriblər. Yəni, ona da aksiya demək olarsa. Bələdiyyədə 3750 insan yaşayır. Aksiya edənlər əhalinin heç 0.01 faizini də etmir.”

Sədrin dediyinə görə, şikayət yazanlar camaatı aldadıb ki, dövlət torpaqlarından örüş yeri alacaqlar.

“Bələdiyyənin nəzdində cəmi 9,5 hektar örüş torpaqları var və həmin torpaqdan camaat istifadə edir,” o qeyd edib.

Narazı kənd sakinlərindən biri Amerikanın Səsinə deyib ki, bələdiyyə sədri perspektivli 63 hektar Ehtiyat Fondu torpağını 20 illik zəbt edib. Fondun mərkəzində olan 9 hektar torpağı oğlu Ozal Səlimovun adına özəlləşdirib. 180 hektar Şorsulu torpaqlarını Elşən adlı Salyan rayon sakininə 49 il müddətinə icarəyə verib.

Digər sakin isə bildirib ki, Səlimov İnkişaf Fondu torpaqlarında “Muğan 2017” adlı kooperativ yaradıb. Muğan kooperativi 40 hektar torpağın hər hekatarından 60 sentner pambıq götürüb.

“Bu 240 ton pambıqdan gələn gəlir bələdiyyə büdcəsinə köçürülməyib. Burada bütün xərcləri çıxanda 100 min Azərbaycan manatı qalır. Kooperativ 3 ildir mövcuddur və hər il bu miqdarda pambıq götürülüb. Lakin bələdiyyə büdcəsinə vəsait köçürülməyib. Bundan başqa kolxozlar ləğv olunanda Səlimov sədr olub. O, kolxozun əmlakının çox hissəsini kolxoz üzvləri arasında bölməyib.

“İndi vaxtında bölünməyən kolxoz əmlakında özü, bacısı oğlu, bacanağı ferma saxlayır.”

Neftçala rayonunun Xol Qaraqaçlı bələdiyyəsi 1999-cu ildə yaradılıb.

Bələdiyyəyə Xol Qaraqaşlı, Mürsəqulu kəndləri daxildir. Bələdiyyə ərazisində 3441 nəfər yaşayır.

VƏTƏNDAŞA YAZDIQLARI BÖYÜK MƏBLƏĞDƏ GİZLİ CƏRİMƏSİ

ƏDALƏT_DOKTRİNASI — Sat, 04 Jul 2020 08:16:21 GMT

“Azəriqaz” əməkdaşlarının vətəndaşa yazdıqları böyük məbləğdə gizli cəriməsi - ŞOK FAKTLAR

“Azəriqaz” İstehsalat Birliyi Abşeron rayonu, Digah qəsəbəsində vətəndaş Pənah Tacəddin oğlu Dəmirova xeyli miqdarda cərimə yazıb.

KONKRET.az-ın əldə etdiyi məlumata görə, bununla bağlı Pənah Dəmirov məhkəmədə “Azərqaz” İstehsalat Birliyinə qarşı iddia qaldıb.

O, iddia tələbində göstərib ki, Abşeron rayonu, Digah qəsəbəsi, H.Cavid küçəsi, 2 saylı evdə ailəsi ilə birlikdə yaşayır. Evdə quraşdırılan qaz sayğacının kartı vasitəsi ilə müəyyən pul məbləği yükləmək istəyərkən kartın blokda olduğunu bilib.

Bakı regional qazın satışı departamentinə müraciət etdikdə, ona sayğacdan kənar qaz xəttindən istifadə etdiyinə görə 2 dəfə akt yazıldığını və bu aktlara görə 2154,4 manat borcu olduğunu bildiriblər.

Pənah Dəmirov qeyd edib ki, onun aktlardan xəbəri olmayıb, akt tərtib edilərkən onun iştirakı təmin edilməyib.

Qeyd edib ki, 6 mart 2019-cu ildə evində quraşdırılan sayğac mənfidə işlədiyi üçün yenisi ilə dəyişdirilib. Ona sayğacda 746,4 manat borc yazıldığı və ödəməli olduğu bildirilibr. O, əlavə qaz xəttindən istifadə etməyib.

Həmçinin, evinə heç baxış da keçirilməyib, hesabat müddətləri də üst-üstə düşmür. O, iddiasının təmin olunmasını istəyib.

Pənah Dəmirovun bu iddia ərizəsi Abşeron rayon Məhkəməsində araşdırılıb. Məhkəmə belə nəticəyə gəlib ki, “Azəriqaz” əməkdaşlarının yazdıqları böyük məbləğdə cərimə əsassızdır. Hakim qurumun yazdığı 2154,4 manat borcu ləğv edib.

Müyyən olunub ki, vətəndaşın “Azəriqaz”a 697,6 manat olub. Qətnaməyə əsasən, qeyd olunan məbləğdə pul və 30 manat dövlət rüsumu vətəndaş Pənah Dəmirovdan tutulmalıdır.

Bundan sonra Sumqayıt Apelyasiya Məhkəməsinə müraciət edən Pənah Dəmirov birinci instansiya məhkəməsinin çıxardığı qətnamədən narazı qalıb. O, qeyd edib ki, sayğaca müdaxilə etməyib, Abşeron rayon Məhkəməsində müəyyən olunan məbləğdə onun üzərindən götürülməlidir.

Hakim Şəmsəddin Abasovun sədrliyi ilə baş tutan iclasda apelyasiya şikayəti araşdırılıb, sonda iddiaçının şikayəti qismən təmin olunub.

“Azəriqaz” əməkdaşlarının vətəndaşa yazdıqları cərimə tamamilə silinib.

Fariz Məlikli
Demokrat.az